كلمة من قلبى
شكرا يا أمى
كلمة بقولها من كل قلبى
علمتينى و كبرتينى
لحد أما بقيت أغنى
أغنى باسمك يا أمى
فى كل مكان و فى كل مطرح
بأغنى باسمك يا أمى
كل ما اشوف الثمرة بتطرح
وشك زى البدر و هو كامل
على طول متفائل مش متشائم
تفهمى سؤالى بنظرة كأنك انت السائل
و تطبطبى على و تبوسينى و أنا نايم
يا سلام لما كنت بتاخدينى فى حضنك
و لما كنت تدفينى بقلبك
و تغطينى بعطفك
و تضمينى بحبك
ازاى أشكرك على كل جودك؟
ازاى أشكر حضنك و ضلوعك؟
ازاى أشكرك غير انى أغنيلك
ازاى أشكرك غير انى أبوس ايدك؟
شكراً يا أمى...كلمة بقوها من كل قلبى
أحد كتاباتى و أنا فى السادسة عشر من عمرى :) .
No comments:
Post a Comment