هييجى اليوم

مهما طالت ضلمة ليلى
و مهما اشتد ألمى و ويلى
مش راح أسلم أرضى و نيلى
و لازم أكمل...أصلى مصمم
علشان ربى رسملى طريقى
ازاى أمشى و أبعد عنه؟؟

مهما ظلمنى و مهما اتجبر
مهما سجنى و مهما اتكبر
ماشى فى دربى...و عمرى ما أفكر
أبعد خطوة أو قول لحظة
دايما ماشى بنور الله

أصل الدعوة يا ناسى أبية
عايزة يشيلها بس رجال
مش بيخافوا من الداخلية
و لا يهتموا بجاه أو مال
روحهم صافية، عزيزة، قوية
باعوا فلوسهم، باعوا نفوسهم
لأجل ما ربى يقبل منهم

جوة السجن رجالة أسود
رمز لكل كفاح و صمود
رافعين راسهم عالى لفوق
رغم الظلم و رغم السوط

خيرت قالها كلمة قوية
ياخدوا فلوسنا، ياخدوا حياتنا
الإخوان ما يهابوا الموت
نمشى نكمل لأجل عيونك
ايوة يا بلدى لأجل عيونك
راح نحميكى و راح نبنيكى
عالى لفوق
نرجع مجدك، نحرس أرضك
و نشيل من حواليكى الطوق

و أحمد أشرف دايما راضى
رمز مشرف للإخوان
ربى ولاده على الإسلام
أصلى عارفهم
دول اخواتى
سمعة حبيبى
كل ما اقابله
يقولى بخير الحمد لله


و حسن مالك
ساب الدنيا بحالها و جالك
قال دى بلادى و لازم أشارك
خطط، فكر، قال نستثمر
ربنا بارك
أصله برضه كان بيجاهد
بماله و وقته و دايما حامد

قال الظالم يا نهار أبيض
ناس بتفكر، تبنى، تعمر
نعمل ايه؟ نعمل ايه؟
جه قام قال بس لقيتها
حاجة جديدة، بس شديدة
غسيل أموال!!!
دى شركات للإخوان
بس فلوسها غريبة الحال
رد الشعب و قال مش فاهم
رد الظالم: ليه يا ولاد؟
الإخوان...طافوا و لفوا بلاد العالم
لموا فلوس لأجل مصالح
قاموا حطوها فى الشركات
يعنى التهمة واضحة تمام
عاوزين كرسى
يعنى الحكم
يعنى هيخربوا مصر كمان!!!
فضُّى السجن
املا السجن رجال أعمال
طبعا لازم من الإخوان
و املا السجن كمان و كمان
هييييييييه و اتحفظنا على الأموال

عينى عليكى يا بلدى يا حبى
قلبى بيدمى و عينى بتبكى
لما الظالم و السجان
يحكم فيكى هوى الطغيان
يرموا ولادك

فى سجن لعين

علشان خاطر
حبوا النيل
حبوا ترابك
قاموا يبنوا جديد أمجادك
قاموا يصحوا شعب سجين
قاموا يعيدوا فينا الدين

بس يا بلدى
اوعى تخافى
دا احنا فداكى
ليوم الدين
و علشان ربى أمرنا بحبك
راح نتحمل سجن سنين


هييجى اليوم
يا مصر يا بلدى
يعلى الحق
و كل الشعب هيقول لأ
لظلم الحاكم
اللى سجنا سنين و سنين
بس ساعتها
هتكون رايتك الله غايتنا

و للإسلام يبقى التمكين

اكتب يا قلم

اكتب يا قلم
عسى كلماتك أن تفتح الآذان
فيتحرك إنسان
و يثور بداخله البركان

اكتب يا قلم
قد سئمنا الخوف و الوهن
قد مللنا أن تباع أرضنا بلا ثمن
قد رفضنا أن نكون فى ذيل الأمم

اكتب يا قلم
" يا أمة سادت كل الأمم "
أوما تذكرين يا أمتى
كيف كنت مهد الحضارات و العلوم
كيف كنت مدرسة السياسة و الفنون
كيف رنت إليك كل العيون

اكتب يا قلم
أننا نذرنا لله أرواحنا
فليأخذوا أموالنا
و ليسجنوا آباءنا
و ليشربوا حتى دماءنا
فالله أسمى غاياتنا
و إيماننا هو ما يمدنا